Kənan Məmmədov – Ghana Gazetesi

Ankaradakı Heydər Əliyev adına məktəbdə ümummilli liderin 101 illiyi qeyd olunub

Abdullah Yiğit — Mon, 13 May 2024 07:08:10 +0000

Ankaradakı Heydər Əliyev adına məktəbdə ümummilli liderin 101 illiyi qeyd olunub

, 2024

Ankaradakı Heydər Əliyev adına məktəbdə ümummilli liderin 101 illiyi qeyd olunub

Ankaradakı Heydər Əliyev adına məktəbdə Azərbaycan xalqının ümummilli lideri Heydər Əliyevin anadan olmasının 101-ci ildönümünə həsr olunmuş bayram proqramı təşkil olunub.

Tədbirdə Azərbaycan Diasporuna Dəstək Fondunun (ADDF) icraçı direktoru Əkrəm Abdullayev çıxışında görkəmli dövlət xadiminin Azərbaycan dövlətçiliyinin xilas edilməsində və möhkəmləndirilməsində rolundan söz açıb. O, ümidvar olduğunu bildirib ki, Azərbaycan və Türkiyənin gənc nəsli Heydər Əliyevin irsini hərtərəfli öyrənəcək, öz ölkələrinin çiçəklənməsinə layiqli töhfə verəcək.

Azərbaycanın Ankaradakı səfirliyinin təhsil üzrə müşaviri Nəcibə Nəsibova qeyd edib ki, müasir Azərbaycanın bütün nailiyyətləri ayrılmaz şəkildə Heydər Əliyev şəxsiyyətinə bağlıdır. “Ümummilli lider Azərbaycan dövlətçiliyinin möhkəmləndirilməsi üçün əlindən gələni edib, respublikanın gələcək uğurlarının əsasını qoyub. Heydər Əliyev Türkiyə ilə əlaqələrə xüsusi önəm verirdi. O, Türkiyəni ürəkdən sevirdi və qardaş ölkə ilə hərtərəfli əlaqələrin inkişafına çalışırdı”, – deyə N.Nəsibova bildirib.

Məktəbin müdiri Oktay Kabasakalın sözlərinə görə, əlamətdar haldır ki, Türkiyənin bir çox şəhərlərində Heydər Əliyev parkları fəaliyyət göstərir, ümummilli liderin abidələri ucaldılıb.

Tədbirin bədii hissəsində milli geyimli məktəblilər iki qardaş ölkənin rəqslərini ifa ediblər. Məktəbin binasında Heydər Əliyev irsi mövzusunda rəsm müsabiqəsinin qaliblərinin rəsm əsərləri nümayiş olunub, ümummilli liderə həsr olunmuş fotostend təşkil edilib.

Tədbirdə Diasporla İş üzrə Dövlət Komitəsinin Aparat rəhbərinin müavini Adil Hüseynov, şöbə müdirinin müavini Kənan Məmmədov, Azərbaycan Diasporuna Dəstək Fondunun icraçı direktorunun müavini Şahin Camalov, Türkiyə-Azərbaycan Dərnəkləri Federasiyası rəhbərinin müşaviri Pərviz Məmmədzadə, məktəbin müəllim-şagird kollektivi, diplomatlar və ictimaiyyət nümayəndələri iştirak ediblər.

Ankara şəhərinə səfər çərçivəsində mayın 10-da Dövlət Komitəsinin və ADDF-nin əməkdaşları ölkəmizin Ankaradakı səfirliyi, iki qardaş ölkənin parlamentlərarası dostluq qruplarının rəhbərləri və ictimaiyyət nümayəndələri ilə birlikdə Heydər Əliyevin anadan olmasının 101-ci ildönümü münasibətilə Ankaradakı Heydər Əliyev parkını ziyarət edərək, ulu öndərin abidəsi önünə gül dəstələri düzüblər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/ankaradaki-heyder-eliyev-adina-mektebde-umummilli-liderin-101-illiyi-qeyd-olunub-4670

İstanbul şəhərində “Biz birlikdə güclüyük” adlı sərgi açılıb

Abdullah Yiğit — Fri, 26 Jan 2024 13:39:47 +0000

İstanbul şəhərində “Biz birlikdə güclüyük” adlı sərgi açılıb

2024

İstanbul şəhərində “Biz birlikdə güclüyük” adlı sərgi açılıb
İstanbul şəhərinin Ümraniyə Bələdiyyəsinin Kültür Mərkəzində azərbaycanlı sənətkarların əl işlərindən ibarət “Biz birlikdə güclüyük!” adlı Azərbaycanla həmrəylik sərgisinin açılış mərasimi keçirilib.

İstanbulun Ümraniye Bələdiyyəsinin, “Xarı bülbül” Azərbaycan Vizyon Teatr Dərnəyinin, İnsan Haqları, Təhsil, Mədəniyyət və Həmrəylik Dərnəyinin birgə təşkilatçılığı ilə baş tutan açılış məraimində yerli dövlət orqanlarının, Azərbaycanın İstanbuldakı Baş konsulluğunun, Diasporla İş üzrə Dövlət Komitəsinin, Azərbaycan Diasporuna Dəstək Fondunun əməkdaşları, sənətsevərlər, qonaqlar, qardaş ölkədə yaşayan və fəaliyyət göstərən həmvətənlərimiz iştirak ediblər.

Sərginin açılışından sonra tədbiri giriş sözü ilə açan Ümraniye Bələdiyyəsinin sədri İsmet Yıldırım bildirib ki, ölkələrimiz arasındaki qədim tarixi bağlar ildən-ilə möhkəmlənir və artıq Azərbaycanla Türkiyə dünyada birgə addımlayır. Müasir Azərbaycan dövlətinin qurucusu Heydər Əliyevin “Bir millət, iki dövlət” kəlamını və 44 günlük Vətən müharibəsini xatırladan bələdiyyə sədri Qarabağdakı parlaq Zəfərimizi bütün türk dünyasının qüruru kimi qiymətləndirib. O, çıxışını görkəmli şairimiz Bəxtiyar Vahabzadənin “Azərbaycan-Türkiyə” şeirindən misraları səsləndirməklə tamamlayıb.

Ümraniye kaymakamı Abdulaziz Aydın çıxışında iki qardaş ölkə arasında keçmişdən gələcəyə uzanan qardaşlıq və birliyin növbəti nümunəsi kimi Azərbaycan Prezidenti İlham Əliyevin “Azərbaycan Respublikası Hökuməti ilə Türkiyə Respublikası Hökuməti arasında mədəniyyət sahəsində əməkdaşlığa dair Saziş”in təsdiq edilməsi haqqında 25 dekabr 2023-cü il tarixli Fərmanının mədəni əlaqələrimizin daha da dərinləşməsinə töhfə verəcəyini, Azərbaycanın Türkiyə üçün qan qardaşı olduğunu bildirib.

Tədbirdə “Xarı bülbül” Azərbaycan Vizyon Teatr Dərnəyinin rəhbəri Kəmalə Cabbarova, İnsan Haqları, Təhsil, Mədəniyyət və Həmrəylik Dərnəyinin sədri Məhşəti Şərif çıxış ediblər.

Diasporla İş üzrə Dövlət Komitəsinin əməkdaşı Kənan Məmmədov iki ölkə arasında əməkdaşlığın bütün sahələr, o cümlədən mədəniyyət və incəsənət sahələri üzrə inkişafından danışıb. Bu tədbiri həmin əməkdaşlığın bariz nümunəsi adlandırıb, Azərbaycan dövlətinin Türkiyədə yaşayan soydaşlarımızın mədəniyyət və incəsənət sahələrinə bəxş etdikləri töhfələri yüksək qiymətləndirdiyini, Komitənin bu istiqamətdə həyata keçirdyi layihələri diqqətə çatdırıb.

Sonra Türkiyə-Azərbaycan Dərnəkləri Federasiyasının (TADEF) İdarə Heyəti sədrinin müavini, 7 fevral 2024-cü il tarixli növbədənkənar Prezident seçkiləri ilə əlaqədar yaradılmış “BİZ – Zəfər yoluna davam” təşəbbüs qrupunun Türkiyə üzrə koordinatoru Pərviz Məmmədzadə diaspor təşkilatları adından qardaş ölkədə yaşayan səsvemə hüququ olan Azərbaycan vətəndaşlarına müraciəti səsləndirib. Müraciətdə Türkiyədə yaşayan həmvətənlərimiz seçkilərdə fəal iştirak etməyə çağırılıb.

Tədbir böyük qələbəmizin, Prezident İlham Əliyevin xalqımızın və dünya azərbaycanlılarının böyük rəğbətini qazanmış fikirlərinin, xaricdəki diasporumuzun Vətən müharibəsi və sonrakı dövrdə fəaliyyətinin əks olunduğu videoçarxın nümayişi ilə davam etdirilib.

Mərasim Azərbaycan və Türkiyə musiqilərindən ibarət konsert proqramı ilə başa çatıb.

Qeyd edək ki, Azərbaycan Rəssamlar İttifaqının üzvləri Letafet Refik, Tariyel Əlizadə, Aynur Novruzova, müniatür sənətçisi Pərinisə Əskərova, əl işləri sənətçiləri Fatma Abdal və Səadət Qasımovanın əsərlərinin nümayiş etdirildiyi sərgi fevralın 2-dək davam edəcək.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/istanbul-seherinde-biz-birlikde-gucluyuk-adli-sergi-acilib-4124

ABŞ-ın Corc Vaşinqton Universitetində Xocalı soyqırımına həsr olunmuş tədbir keçirilib

Abdullah Yiğit — Mon, 27 Feb 2023 09:33:42 +0000

ABŞ-ın Corc Vaşinqton Universitetində Xocalı soyqırımına həsr olunmuş tədbir keçirilib
27 fevral, 2023
ABŞ-ın Corc Vaşinqton Universitetində Xocalı soyqırımına həsr olunmuş tədbir keçirilib
ABŞ-ın paytaxtı Vaşinqtonda yerləşən Corc Vaşinqton Universitetində Xocalı soyqırımının 31-ci ildönümü ilə əlaqədar konfrans keçirilib.

Corc Vaşinqton Universitetinin Azərbaycanlı Tələbələr Təşkilatının təşəbbüsü ilə baş tutan tədbir Xocalı soyqırımı haqqında məlumatlılığın artırılması, Qarabağ və regiondakı mövcud vəziyyətlə bağlı gerçək faktların çatdırılması, erməni dezinformasiyalarının qarşısının alınması, bölgədəki sülh və normallaşma prosesinə diqqətin cəlb olunması məqsədilə təşkil edilib.

Tədbir Xocalı soyqırımın qurbanlarının xatirəsinin bir dəqiqəlik sükutla yad edilməsi ilə başlayıb. Azərbaycanın ABŞ-dakı səfiri Xəzər İbrahim Xocalı faciəsinin azərbaycanlılara qarşı məqsədyönlü törədilmiş bir soyqırım olduğunu vurğulayaraq, beynəlxalq arenada hər bir ölkə tərəfindən tanınması üçün hər kəsin əlindən gələni etməsinin vacib olduğunu vurğulayıb.

Hər iki Qarabağ müharibəsinin iştirakçısı olan hərbi attaşe Rüstəm Gözəlov ermənilərin o gecə Xocalıda törətdiklərinin insanlığa qarşı bir cinayət olduğunu bildirib.

Maraqlı müzakirə şəraitində keçən konfransda Xocalıya ədalət, Xocalının bəşəri cinayət olması və cinayətkarların beynəlxalq ədalət məhkəməsi qarşısında cavab verməsi tələbləri ilə bağlı fikirlər səslənib.

Daha sonra Xocalı soyqırımından bəhs edən videofilm nümayiş olunub. Corc Vaşinqton Universitetinin tələbələri Davud Kazdal, Kənan Məmmədov, Əli Məmmədov, Toğrul Ağbabalı, Humay Sadiq və Ayla Kərimova tərəfindən təşkil olunan tədbir amerikalı musiqici Cefri Verbokun çıxışı ilə başa çatıb.

Tədbir çərçivəsində Xocalı soyqırımını əks etdirən fotosərgi təşkil edilib. Sonda tədbir iştirakçılarına Heydər Əliyev Fondu tərəfindən hazırlanmış Xocalı soyqırımı haqqında kitablar, broşürlər, nişanlar və “Sonsuz dəhliz” filminin diskləri paylanıb.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/abs-in-corc-vasinqton-universitetinde-xocali-soyqirimina-hesr-olunmus-tedbir-kecirilib-2447